काठमाडौँ । गृहमन्त्री बालकृष्ण खाँणले संघीय इकाई प्रहरी कार्यालय भैरहवाको निवासमै मृत फेला परेका नेपाल प्रहरीका वरिष्ठ उपरीक्षक (एसएसपी) सुशील कुमार यादवका परिवारसँग भेटघाट गरेका छन् ।

शुक्रबार साँझ घटना स्थल पुगेर गृहमन्त्री खाँणले एसएसपी यादवका परिवारसँग भेट गरी घटनाबारे जानकारी लिएका हुन् । एसएसपी यादवको शव बिहान ११ बजेतिर झुण्डिएको अवस्थामा निवासमै भेटिएको थियो ।

गृहमन्त्री खाँणले उनको मृत्युको कारणको अनुसन्धान गर्न प्रहरीलाई निर्देशन दिएका छन् । प्रहरी प्रवक्ता बसन्त कुँवरले घटनाको कारण नखुलेको र अनुसन्धान भइरहेको जानकारी दिए ।