काठमाडौँ । गुडिरहेको टिपरमा आगलागी भएको छ । दाङ जिल्ला प्रहरी कार्यालयका अनुसार लमहीबाट घोराहीतर्फ आउँदै गरेको रा १ ख २३१२ नम्बरको टिपर गुडिरहेको अवस्थामा आगलागी भएको हो ।

शुक्रबार साँझ करिब ८ बजे बालुवा लिएर आउँदै गरेको टिपरको वायरिङ सर्ट हुँदा आगलागी भएको प्रहरीले जनाएको छ । घोराही ३ स्थित मुसोटको उकालोमा आगलागी भएकाले टिपरको पूर्ण क्षति भएको छ ।

घटनामा मानवीय क्षति भएको छैन ।