काठमाडौँ । नेपाल बैंक लिमिटेडले त्रिभुवन विश्वविद्यालय व्यवस्थापन संकायअन्तर्गत स्नातक तहमा उच्च स्थान हासिल गरी छत्रमान सिंह के.सी.स्वर्ण पदक प्राप्त गर्न सफल छात्रा श्री बबिता ग्वाछालाई सम्मान गरेको छ ।

भक्तपुरको बागेश्वरी कलेजमा अध्ययनरत छात्रा बबिता ग्वाछालाई विश्वविद्यालयको ४७ औँ दीक्षान्त समारोहको अवसरमा सम्माननीय प्रधानमन्त्री तथा कुलपति शेर बहादुर देउवाले नेपाल बैंक लिमिटेड छत्रमान सिंह के.सी. स्वर्ण पदक प्रदान गरेका थिए ।

एक लाख रुपैयाँको अक्षय कोष स्थापना गरी सुरु भएको उक्त पदक विश्वविद्यालय व्यवस्थापन संकायमा सर्वोकृष्ट हुनेलाई दिँदै आएको छ । कार्यक्रममा बैंकका प्रमुख कार्यकारी अधिकृत कृष्ण बहादुर अधिकारीले ग्वाछालाई बधाई दिँदै सम्मान गरेका थिए ।