काठमाडौं । साध्यबहादुर भण्डारी नेकपा (एकीकृत समाजवादी)मा प्रवेश गर्ने भएका छन् ।

एकीकृत समाजवादी र भण्डारी नेतृत्वको राष्ट्रिय जागरण परिषद्बीच शुक्रबार पार्टी एकता घोषणा गर्न लागिएको हो । यसअघि जनमोर्चाबाट अलग्गिएर भण्डारीले राष्ट्रिय जागरण परिषद् घोषणा गरेका थिए ।

जागरण परिषदका अध्यक्ष भण्डारी यसअघि नेकपा एकताका बेला नेकपामा प्रवेश गरेका थिए ।

दुई दिनअघि मात्रै देवेन्द्रसिंह महता नेतृत्वको नेकपा (जनवादी) पार्टी पनि नेकपा (एकीकृत समाजवादी)मा समाहित भएको थियो ।

काठमाडौंको होटल अर्यालमा शुक्रबार कार्यक्रम गरी औपचारिक रुपमा पार्टी एकता घोषणा गर्न लागिएको एकीकृत समाजवादीले जनाएको छ ।