काठमाडौं । माघ १२ गते हुन लागेको राष्ट्रिय सभा सदस्य निर्वाचनका लागि उम्मेदवार बनेका उम्मेदवारहरुलाई निर्वाचन आयोगले चुनाव चिन्ह प्रदान गरेको छ । आइतबार उम्मेदवारहरुको अन्तिम नामावली सार्वजनिक गदैं निर्वाचन आयोगले चुनाव चिन्ह पनि प्रदान गरेको हो । सात ओटै प्रदेशमा गरी रिक्त हुन लागेको १९ पदका लागि ४३ जना उम्मेदवार छन् ।

आयोगले नेपाली कांग्रेसका उम्मेदवारलाई रूख, नेकपा एमालेका उम्मेदवारलाई सूर्य, नेकपा माओवादी केन्द्रका उम्मेदवारलाई गोलाकारभित्र हँसिया हथौडा र नेकपा एकीकृत समाजवादीका उम्मेदवारलाई कलम चिह्न प्रदान गरेको छ । त्यसैगरी, राप्रपालाई हलो, जनता समाजवादी पार्टी नेपाललाई ढल्केको छाता, लोकतान्त्रिक समाजवादी पार्टी नेपाललाई साइकल, नेपाल मजदुर किसान पार्टीलाई मादल र राष्ट्रिय जनमोर्चालाई गिलास चिह्न प्रदान गरिएको छ।

राष्ट्रिय सभा निर्वाचनका लागि सोमबारबाट आचारसंहिता लागू हुने आयोगले जनाएको छ । आइतबार विज्ञप्ति प्रकाशित गर्दै निर्वाचन अवधीभर आचारसिंहता पालना नभए कारबाही गर्ने चेतावनी पनि आयोगले दिएको छ ।

हेर्नुहोस, कुन उम्मेदवारका कुन चुनाव चिन्ह ?