काठमाडौं । काठमाडौं उपत्यकासहित देशैभर कोरोना संक्रमण आगोझैं फैलिएपछि आम जनमानसमा त्रासदी फैलिएको छ ।

कोरोना बढेपछि सरकारले पनि खोप कार्यक्रमलाई मुख्य प्राथमिकतामा राखेको छ । खोप लगाउन कोही पनि नछुटुन् भनेर सरकारले अभियान चलाइरहेको छ भने अग्रमोर्चामा काम गर्ने कर्मचारीलाई बुस्टर डोजसमेत दिन थालिएको छ ।

सरकारले विभिन्न स्वास्थ्य संस्था र स्थानीय तहबाट कोरोनाभाइरसविरुद्धको खोप लगाइरहेको छ ।

पहिलो र दोस्रो डोज खोप लगाएका अग्रपंक्तिमा खटिनेहरूलाई बुस्टर पनि लगाइदिइरहेको सरकारले सबैलाई खोप लगाउन आग्रह गरेको छ ।

खोप अभियानलाई मुख्य प्राथमिकतामा राखिएपछि खोप केन्द्रहरुमा खोप लगाउन आउनेको भीँड अत्याधिक बढेको छ ।