काठमाडौँ । कोरोना भाइरस (कोभिड–१९) को नयाँ भेरियन्ट ओमिक्रोनसहितको संक्रमण तीव्र बन्दै गएसँगै आज रातिदेखि जिल्ला प्रशासन कार्यालय भक्तपुरले जोरबिजोर प्रणाली लागू गर्ने भएको छ ।

काठमाडौँ उपत्यकामा सार्वजनिक र निजी सवारी साधनहरु (दुई पाङ्ग्रेसहित) जोर गते जोर र बिजोर गते बिजोर नम्बर प्रणालीमा सञ्चालन गर्ने आदेश जारी गरिएसँगै भक्तपुरमा सवारी साधनमाथि कडाई गरेको हो । प्रमुख जिल्ला अधिकारी रुद्रादेवी शर्माले हस्ताक्षर गरेको पत्रमा भनिएको छ, ‘परिचयपत्रको आधारमा बैंक तथा वित्तीय संस्था र वायु सेवाका कर्मचारीले सवारी साधन प्रयोग गर्न सक्ने, सूचना तथा प्रशारण विभागबाट जारी प्रेस पास परिचयपत्र रहेको संचारकर्मीले पनि सवारी साधन प्रयोग गर्न सक्ने छन् ।’

त्यसैगरी, सरकारी सवारी साधन र कुटनैतिक नियोगका सवारी साधन पनि हरेक दिन चलाउन पाउने भएको छ ।