काठमाडौं । नेपाल टेलिकमले एफटीटीएच उपलब्ध नभएका सुगम स्थानहरु र अधिकांश दुर्गम स्थानहरुमा दु्रत गतिको डाटा तथा भ्वाइस सेवा उपलब्ध गराउने भएको छ ।

नेपाल टेलिकमले एफटीटीएच उपलब्ध नभएका फोरजी एलटीई नमस्ते वाईफाई विस्तार गर्ने भएको हो ।

टेलिकमले फोरजी एलटीई नमस्ते वाईफाई सेवाका विभिन्न आकर्षक प्याकेजहरु उपलब्ध गराइरहेको जनाएको छ ।

कम्पनीले उपलब्ध गराईरहेका यी प्याकेजहरु आवश्यक डिभाइससहित ग्राहकवर्गलाई सहज रुपले प्राप्त होस् भनी नेपाल टेलिकम र साइबरनेटिक्स प्रा.लि.बीच सम्झौता गरेको छ ।

माघ ५ गते भएको उक्त सम्झौतामा कम्पनीका प्रमुख व्यावसायिक अधिकृत संगीता पहाडी र साइबरनेटिक्स प्रा.लि. का सीईओ जेम्स न्याछ्योले हस्ताक्षर गरेका थिए ।

नेपाल टेलिकमले फोरजी एलटीई नमस्ते वाईफाईमार्फत हाल ब्यक्तिगत प्याकेज र संस्थागत गरी गरी दुई प्रकारका प्याकेजहरु उपलब्ध गराइरहेको छ ।

इन्डिभिजुअल प्याकेज अन्तर्गत होम ब्रोडव्यान्ड वेसिक रु. ८०० मा ६० जीबी ३० दिनका लागि उपलब्ध हुनेछ भने १ वर्षका लागि रु. ९ हजारमा ७२० जीबी प्याक उपलब्ध हुनेछ ।

यसलाई प्रतिमहिना ६० जीबीका दरले १२ महिनासम्म प्रयोग गर्न सकिने नेपाल टेलिकमले जनाएको छ ।