काठमाडौं । कोरोना भाइरस संक्रमण तीव्र रूपमा बढिरहेकाले तत्काल वैकल्पिक माध्यमबाट कक्षा सञ्चालन गर्न काठमाडौं महानगरपालिकाले निर्देशन दिएको छ ।

कोरोनका कारण विद्यालय बन्द गर्न सरकारले निर्देशन दिइसक्दा पनि केही विद्यालयले पठनपाठन जारी नै राखेपछि महानगर शिक्षा शाखाले वैकल्पिक विधिबाट पठनपाठन गर्न निर्देशन दिएको हो ।

पुनःनिर्देशनको बेवास्ता गरी विद्यार्थीको भौतिक सहभागितामा गतिविधि अघि बढाए कारबाही गरिने पनि महानगरले चेतावनी दिएको छ ।

केही निजी विद्यालयले भौतिक उपस्थितिमा नै कक्षा सञ्चालन गर्दै आएका छन् ।

कोरोना भाइरस सङ्क्रमणको तेस्रो लहर तीव्र रूपमा बढिरहेको भन्दै सरकारले गत पुस २७ गतेदेखि भौतिक उपस्थितमा कक्षा सञ्चालनमा रोक लगाएको थियो ।

पछिल्लो समय सबैभन्दा बढी काठमाडौं उपत्यका कोरोना भाइरस सङ्क्रमणको फैलिएको छ । संक्रमण तीब्र भएपछि विश्वविद्यालयले समेत आफ्ना परीक्षाहरु स्थगित गरिसकेको छ ।