काठमाडौं । अखिल नेपाल फुटबल संघ (एन्फा) ले मौरिसससँग हुने दुई मैत्रीपूर्ण खेलको टिकट दर तोकेको छ । कोरोना संक्रमणको जोखिम रहेको भन्दै अन्य खेलहरु दर्शकरहित भइरहँदा एन्फाले टिकटको ब्यापार गर्न खोजेको छ ।

नेपालमा कोरोना संक्रमण तीब्र भइरहँदा सबैभन्दा बढी काठमाडौंमा नै देखिएको छ ।

१५ र १८ माघमा हुने दुई मैत्रीपूर्ण खेलमा भीआईपीतर्फ एक हजार र सामान्य तर्फ ५०० रुपैयाँको टिकट दर तोकेको एन्फाले जनाएको छ ।

दुबै खेल दशरथ रंगशालामा साँझ पौने ५ बजे सुरु हुनेछ ।

सरकारले २५ जना भन्दा बढी जमघट हुन नपाउने निर्णयको बेवास्ता गर्दै एन्फाले टिकट बिक्री थालेको छ । कोरानाकै कारण सिनेमा हल, जिमहाउसहरु पनि सरकारले बन्द गराएको छ ।