काठमाडौं । राष्ट्रियसभाको रिक्त १९ सदस्यका लागि बुधबार भएको निर्वाचनमा १८ जना मतदाता अनुपस्थित रहेका छन् ।

सातै प्रदेशका गरी १९ रिक्त पदमा नौ राजनीतिक दलका ४३ जना उम्मेदवार प्रतिष्पर्धामा रहेका थिए ।

सातै प्रदेशका प्रदेशसभा सदस्य तथा पालिकाका प्रमुख उपप्रमुख गरी २ हजार २५ मतदाता रहेकामा मतदानमा २ हजार ७ जनाले सहभागिता जनाएको निर्वाचन आयोगले जनाएको छ ।

निर्वाचन आयोगका सहसचिव एवम् प्रवक्ता शालिग्राम शर्मा पौडेलले बुधबार विज्ञप्ति जारी गर्दै सातै प्रदेशमुकामको निर्वाचन केन्द्रमा उत्साहजनक र शान्तिपूर्ण रुपमा निर्वाचन सम्पन्न भएको जनाएका छन् ।