काठमाडौँ । कञ्चनपुरको बेलौरी नगरपालिकाबाट शनिबार राति २२ किलो १५० ग्राम चरेश बरामद गरिएको छ । जिल्ला प्रहरी कार्यालय कञ्चनपुरका प्रवक्ता प्रहरी नायव उपरीक्षक चक्रबहादुर शाहले भारतीय नम्बर प्लेटको युपी ३१ २२५६ नम्बरको मोटरसाइकलसहित चरेश बरामद गरिएको जानकारी दिए ।

इलाका प्रहरी कार्यालय बेलौरीको प्रहरी टोलीले उक्त चरेश मोटरसाइकलमा राखेको अवस्थामा भेट्टाएको प्रवक्ता शाहको भनाई छ । ‘चरेशबारे विस्तृतमा अनुसन्धान हुँदै छ,’ उनले भने, ‘अनुसन्धानबाट सबै कुरा बाहिर आउछ ।’

पछिल्लो समय कञ्चनपुरको दक्षिण क्षेत्रबाट प्रहरीले दिनहुँ लागू औषध ब्राउन सुगरसहित युवकहरु पक्राउ गर्दै आएको प्रहरीले जनाएको छ ।