काठमाडौं । नेपाली काँग्रेसका वरिष्ठ नेता रामचन्द्र पौडेल र जनता समाजवादी पार्टीमा अध्यक्ष महन्थ ठाकुरबीच भेटवार्ता भएको छ । आइतबार बिहान बरिष्ठ नेता पौडेल वीच अध्यक्ष ठाकुर निवास हात्तीवन भेटवार्ता भएको हाे ।

उक्त भेटवार्ता करिब एक घण्टाको भएकाे थियाे । दुई नेताविचकाे भेटवार्तामा शिर्ष तीन नेताविच छलफल गरेर सरकार गठनका विषयमा छिटै टुङ्गो लगाउँने विषयमा छलफल भएको पौडेलका स्वकीय सचिव चिरञ्जीवी अधिकारीले मेरो न्युजलाई जानकारी दिए ।अध्यक्ष ठाकुरले आफ्ना मागहरु बारेमा पुन नेता पौडेललाई जानकारी गराएका थिए ।

शुक्रबार काँग्रेस केन्द्रीय कार्यसमिति बैठकले प्रधानमन्त्री केपी शर्मा ओलीको राजीनामा माग्ने र सरकार निर्माणका लागि अग्रसरता लिने निर्णय लिएपछि पौडेलले आज ठाकुरसँग छलफल गरेका हुन् ।