काठमाडौं । नेपाल राष्ट्र बैंक कर्मचारी संघमा रुद्रप्रसाद तिम्सिनाको अध्यक्षतामा नयाँ कार्य समिति चयन भएको छ । संघको ८ औं केन्द्रीय महाधिवेसनले तिम्सिनालाई अध्यक्ष सहित उपाध्यक्षमा पदमराज जोशी र उमाकान्त थपलिया निर्वाचित भएको कर्मचारी संघले जनाएको छ । यस्तै महासचिव शंकरप्रसाद भट्टराई, सचिव गिता पोख्रेल लम्साल र कृष्णप्रसाद खराल निर्वाचित भएका छन् ।

कोषाध्यक्षमा डिल्लीराज आचार्य, सह कोषाध्यक्षमा शारदा लोहनी निर्वाचित भएका छन् । संघको सदस्यहरुमा रामहरि घिमिरे, निरज दाहाल, रमेश खतिवडा, विमल केसि, तुलसीराम बानिया, मन्जुकुमारी न्यौपाने, स्मृती बराल, रोजी थापा मगर, प्रकाश श्रेष्ठ र भास्करमान श्रेष्ठ निर्विचत भएका छन् ।
नयाँ पदाधिकारीलाई बधाई दिदै गर्भनर अधिकारीले बैंकिङ क्षेत्र सर्वसाधारण देखि राष्ट्रका वित्तियमा केन्द्रीत हुने भएकाले सबै क्षेत्रका कर्मचारीले ध्यान दिनुपर्ने बताए । उनले कर्मचारी संघले आफ्नो अधिकारसँगै उत्तरदायित्वलाई बिर्सन नहुने उल्लेख गरे ।