काठमाडौं । आसन्न महाधिवेशनका विषयमा छलफल गर्न बसेको नेपाली कांग्रेसको केन्द्रीय पदाधिकारी बैठक सम्पन्न भएको छ । बैठकमा क्रियाशील सदस्यता वितरणका विषयमा छलफल भएको थियो ।

बैठकमा सोमबारदेखि बस्ने केन्द्रीय कार्यसमितिको बैठकका एजेण्डाका बारेमा पनि छलफल भएको प्रवक्ता विश्वप्रकाश शर्माले जानकारी दिए । कांग्रेसले करिब ७० जिल्ला र ९० भन्दा बढी निर्वाचन क्षेत्रमा क्रियाशील सदस्यता वितरण गरेको छ । अझै केही जिल्लामा क्रियाशील सदस्ता वितरण हुन सकेको छैन । कांग्रेसले आगामी भदौमा महाधिवेशन तोकेको छ ।