काठमाडौं । चिनियाँ सिनोफार्म कम्पनीले उत्पादन गरेको भेरोसेल खोपको पहिलो मात्रा लगाउनका आज (आइतबार) बाट तीन खोप केन्द्र तय गरिएको छ। स्वास्थ्य सेवा विभागको खोप महाशाखाले आज निजामति अस्पताल मिनभवन (सिभिल), सशस्त्र प्रहरी अस्पताल बलम्बु र राष्ट्रिय आयुर्वेद अनुसन्धान तथा तालिम केन्द्र किर्तिपुरमा मात्र चिनियाँ खोप लगाइने जनाएको छ ।

१८ वर्षदेखि ५९ वर्षका नेपाली नागरिकहरु उक्त खोप लिन सक्ने उनले जानकारी दिए । उनका अनुसार यो खोप पहिलो मात्रा लिएको २८ दिनमा दोस्रो मात्रा लिनुपर्ने हुन्छ । भोलि देखि सोमबार बाट भने परोपकार प्रसुति तथा स्त्रीरोग अस्पताल थापाथली, नेपाल मेडिकल कलेज अत्तरखेल, काठमाडौं मेडिकल कलेज सिनामंगल, र हिमाल अस्पताल ज्ञानेश्वरमा खोप लगाउन सकिने बताइएको छ।

त्यसैगरी, वीर अस्पताल महाबौद्ध, शुक्रराज ट्रपिकल तथा सरुवा रोग अस्पताल टेकु र त्रिवि शिक्षण अस्पताल महाराजगन्जमा कोभिसिल्ड खोपको दोस्रो मात्रा लगाउन सकिने उनले जानकारी दिए ।