विराटनगर । धरानस्थित बीपी कोइराला स्वास्थ्य विज्ञान प्रतिष्ठानको कोभिड अस्पतलमा धनुषाको जनकपुर उपमहानगरपालिका–८ का ४८ वर्षीय पुरुषको उपचारको क्रममा मृत्यु भएको छ ।

प्रतिष्ठानका सहप्रवक्ता डा। चूडामणि पोखरेलका अनुसार उनको सोमबार बिहान सवा ७ बजे मृत्यु भएको हो । उच्च रक्तचापका बिरामी ती पुरुष वैशाख ९ गते प्रतिष्ठानमा भर्ना भएका थिए भने वैशाख १० गते उनलाई कोरोना पोजेटिभ पुष्टि भएको थियो ।