काठमडौँ । पछिल्लो २४ घण्टामा कोरोना भाइरस (कोभिड–१९)बाट ३३ जनाको मृत्यु भएको छ । स्वास्थ्य तथा जनसंख्या मन्त्रालयका अनुसार आज ३३ जनाको मृत्यु भएको हो ।

कोरोनाबाट हिजो बिहीबार एकैदिन ३५ जनाले ज्यान गुमाएका थिए । यस्तै, पछिल्लो २४ घण्टामा थप पाँच हजार ७२७ जनामा कोरोना भाइरस संक्रमण पुष्टि भएको छ ।

मन्त्रालयका अनुसार १५ हजार ३९१ पिसिआर परीक्षणमा ५,६५७ जना र ५२५ जनाको एन्टिजेन परीक्षणमा ७० जनामा संक्रमण पुष्टि भएको हो । योसँगै नेपालमा कोरोना भाइरसको सक्रिय संक्रमितको संख्या ३८ हजार ८१३ पुगेको छ ।