काठमाडौँ । भारतमा पछिल्लो २४ घण्टामा अमेरिकामा पुष्टि भएको नयाँ संक्रमितभन्दा ९ गुणा बढी देखिएको छ । भारतमा हिजो एकै दिन ३ लाख ८२ हजार ८४७ नयाँ कोरोना भाइरस (कोभिड–१९) संक्रमित पुष्टि हुँदा संसारमा सबैभन्दा धेरै संक्रमित भएको अर्को देश अमेरिकामा ४२ हजार ३५४ संक्रमित पुष्टि भएको छ ।

भारतमा कोरोनाको दोस्रो लहर फैलिएसँगै पछिल्ला दिनमाहरूमा दैनिक करिब ४ लाख बराबरको नयाँ संक्रमित पुष्टि हुँदै आएको छ । गत ३ दिन लगातार नयाँ संक्रमित पुष्टि हुने क्रम कमी भइरहँदा मंगलबार पुनः नयाँ संक्रमित तीव्र रुपमा बढेको देखिएको छ ।

यस्तै, कोरोनाबाट ज्यान गुमाउने संख्या पनि लगातार बढिरहेको छ । पछिल्लो २४ घण्टामा भारतमा मात्रै ३ हजार ७८३ जनाले ज्यान गुमाएका छन् । यो एकैदिनमा कोरोनाबाट ज्यान गुमाउने संख्यामा सबैभन्दा धेरै हो । यसैगरि, पछिल्लो २४ घण्टामा ३ लाख ३७ हजार मानिस कोरोनाबाट मुक्त भएका छन् । यो पनि भारतमा एकैदिन निको हुने संख्याको रेकर्ड हो ।