काठमाडौं । औषधि व्यवस्था विभागले कोभिडबिरुद्ध प्रयोग भएका दुईवटा खोप कोभिसिल्ड र कोभ्याक्सिन ल्याउनका लागि दुईवटा निजी कम्पनीलाई आयात अनुमति दिएको छ । विभागले सेरम इन्स्टिच्युटले उत्पादन गरेको कोभिसिल्ड ल्याउन हुकम डिस्ट्रिव्युटर्स प्रालि र भारत बायोन्टेकबाट उत्पादन कोभ्याक्सिन खोप ल्याउनका लागि निजी कम्पनी इमराल्ड फर्मालाई आयात अनुमति दिइएको हो ।

विभागका प्रवक्ता सन्तोष केसीले आकस्मिक प्रयोगका लागि अनुमति दिइएको खोप ल्याउनका लागि निजी दुईवटा कम्पनीलाई आयात अनुमति दिइएको जानकारी दिए ।