काठमाडौँ । विश्वभर फैलिएको कोरोना भाइरस (कोभिड १९)कारण भारतमा दैनिक झण्डै ४ लाख संक्रमित देखिदै आएको छ । कोरोना संक्रमण रोकथामका लागि सरकारले लकडाउन गरेको छ ।

भारत लकडाउन हुँदै गर्दा एक दर्दनाक भिडियो भाइरल भएको छ । भिडियोमा देखिएअनुसार भारतको कानपुरमा एक युवाले आफ्नो भोक मेटाउन सडकमा पोखिएको दुध चाटिरहेका तथा पिइरहेका छन् ।

समाचार जनाइएअनुसार आइतबार दिउँसो दुध बोकेको एक साइकल पल्टिँदा दुध पोखिएको थियो । साइकल पल्टिएपछि सडकभरि दुध पोखिएको थियो । दुधवालाले आफ्नो साइकल लिएर गएसँगै ती युवाले आफ्नो भोक मेटाउन सडकमा पोखिएको दुध चाटेका थिए । यसै क्रममा केही मानिसले उनको भिडियो खिचेर सामाजिक सञ्चालमा पोस्ट गरेका थिए । एजेन्सी