काठमाडौं । पछिल्लो समय दोहोरो अंकले बढेको शेयर कारोबार मापक नेप्से कारोबार हुने साताको चौथो दिन आज बुधबार झिनो अंकले हरियो देखिएको छ ।

स्टक एक्सचेञ्जमा आबद्ध कम्पनीको शेयर कारोबारमा कूल २ सय १५ कम्पनीको कारोबार भएका थिए । जसमा बजार परिसुचक शुन्य दशमलब ५६ अंकले बढेर २ हजार ६ सय ७३ दशमलब ८८ बिन्दुमा पुगेको हो । यो अघिल्लो दिनको तुलनामा शुन्य दशमलब २ प्रतिशतले धेरै हो ।

बुधबार नाम मात्रले नेप्से बढ्दा शेयर लगानीकर्ता नवराज अधिकारीले शेयर बढ्दा मात्तिने घट्दा आत्तिने गर्न नहुनेमा जोड दिदै कारोबारमा लाग्नुपर्ने बताउँछन् ।

६२ हजार ९ सय ७२ कारोबारबाट ५ अर्ब ३२ करोड ६० लाख ५२ हजार ८ सय १ रुपैयाँ बराबरका १ करोड ४८ लाख ५४ हजार ४ सय २२ कित्ता शेयर किनबेच भएको स्टक एक्सचेञ्जले जनाएको छ ।