काठमाडौँ । नेपाली कांग्रेसले पार्टी पदाधिकारीको बैठक बोलाएको छ । कांग्रेसका सभापति शेरबहादुर देउवाले अपरान्ह ४ बजेका लागि पार्टी पदाधिकारी र पूर्वपदाधिकारीको बैठक बोलाएका छन् ।

राष्ट्रपति विद्यादेवी भण्डारीले संविधानको धारा ७६ (२) अनुसार सरकार गठनका लागि दलहरूलाई दिएको समय आज राति ९ बजे सकिँदैछ। उक्त समयभित्र पार्टीले सरकारका लागि दाबी गर्ने कि नगर्ने भन्नेबारे छलफल गर्न देउवाले बोलाएका हुन् ।