नेकपा (संयुक्त)ले जेनजी आन्दोलन जाँचबुझ आयोगको प्रतिवेदन अपूर्ण र पूर्वाग्रही रहेको भन्दै छानबिनको माग गरेको छ। 

राष्ट्रिय सम्मेलन आयोजक कमिटीको बैठकपछि संयुक्तका कार्यवाहक अध्यक्ष घनश्याम भुसालले प्रेस विज्ञप्ति जारी गरी जेनजी आन्दोलन जाँचबुझ आयोगको प्रतिवेदनमाथि प्रश्न गरेका हुन्। ‘गौरीबहादुर कार्की आयोगको प्रतिवेदन अपूर्ण र पूर्वाग्रही भएकाले वहालवाला न्यायाधीशको अध्यक्षतामा शक्तिशाली छानबिन आयोग गठन गरी भदौ २३ र २४ को घटनामा संलग्न अपराधीहरूलाई कारबाही गर्न यो बैठक जोडदार माग गर्दछ,’ संयुक्तले भनेको छ। 

संयुक्तले आफ्नो राष्ट्रिय सम्मेलन आउँदो मंसिर महिनामा गर्ने निर्णय गरेको छ। त्यसअघि असोजभित्र जिल्ला तहमा संगठन विस्तार गरिसक्ने जनाएको छ। 

संयुक्तले २०४८ सालयताका उच्चपदस्थ कर्मचारी, राजनीतिक व्यक्ति, न्यायापालिकाका पदाधिकारी एवं सार्वजनिक ओहादामा रहेका व्यक्तिको सम्पत्ती छानबिन गर्न उच्चस्तरीय छानिबन समिति गठनको पनि माग गरेको छ।