काठमाडौं । प्रधानमन्त्री केपी शर्मा ओलीले मन्त्रिपरिषद्को बैठक बोलाएका छन् । दिउँसो २ बजेर ३० मिनेटमा उनले मन्त्रिपरिषद्को बैठक बोलाएका हुन् । मन्त्रिपरिषद्को बैठक अगाडी ओलीले पार्टीको स्थायी समिति बैठक पनि बोलाएका छन् ।

स्थायी समिति बैठकमा राष्टिय सभा चुनावमा माधव नेपाल पक्षले पार्टी उम्मेदवार रामवहादुर थापा माथी सहयोग भए नभएको विषयमा समिक्षा गर्ने सम्भावना रहेको छ । बैठकका एजेण्डा बताईएको छैन ।

नेपाल पक्षले पार्टी २०७५ जेठ २ मा फर्किनु पर्ने बताईरहेको र त्यसका लागि दुवै पक्षका ५/५ जना नेता रहेको कार्यदल बनाएपनि कार्यदलले खास काम अगाडी बढाएको छैन । यस सम्वन्धमा छलफल हुन सक्ने छ ।

त्यसै गरी प्रधानमन्त्रीले संसदमा विश्वासको मत लिने विषय वजेट अगाडी गर्ने वा पछाडी भन्ने विषयमा पनि एमाले स्थायी समितिमा छलफल हुनेछ । त्यही आधारमा मनित्रपरिषद्को बैठकमा पनि छलफल हुने बताईएको छ ।

स्थायी समिति बैठक पछि बस्ने मनित्रपरिषद्को बैठकले संसदको अधिवेशन आह्रवान गर्ने सम्भावना रहेको एक मन्त्रीले बताए । तर त्यस्तो अधिवेशन आह्रवान विश्वासको मत लिनका लागि विशेष अधिवेशनका रुपमा बोलाउने या नियमित वजेट अधिवेशन बोलाउने भन्ने विषयमा भने एमाले स्थायी समिति बैठक पछि टुग्गो लाग्न सक्ने ति मन्त्रीले बताए ।