काठमाडौं । कुखुराको मासु अहिले घटेर प्रतिकिलो ३ सय २० रुपैयाँ पुगेको छ । एक महिना अघि काठमाडौं उपत्यकामा प्रतिकिलो ४ सय ५० रुपैयाँ पुगेको थियो । राष्ट्रिय कुखुरा बिक्री व्यवसायी संघ नेपालका अध्यक्ष जंगबहादुर बिसीले काठमाडौं उपत्यकाका लागि हाल मासुको प्रतिकिलो ३ सय २० रुपैयाँ तोकेकाले सो मुल्यभन्दा बढी लिन नापाउने बताएका छन् ।

कलंकीमा कुखुरा फार्म सञ्चालन गरिरहेका दिपक खतिवडाले मासु पसल र आफ्नोमा फरक हुने बताए । उनले मेरोन्युजडटकमसँग कुरा गर्दै भने, “हाम्रोबाट मासु पसलका पुर्याउँने मिडियरले केही मार्जिन खान्छन्, नियमानुसार तसर्थ महंगो परेको हो, कलंकी नजिकका मासुपसलमा ३ सय रुपैयाँसम्म पनि पाईन्छ ।” गत बर्षको कोरोना को निशेधाज्ञामा नेपालमा कुखुराको चल्लाको प्यारेन्ट अभाव भएपछि चल्लाको मूल्य एकाएक आकाशिएको व्यवसायीहरुले बताउँदै आएका थिए ।

त्यही आाधारमा उनीहरुले मासुको मूल्य पनि बढाएका थिए । तर अहिले खपतमा पनि कमी आएकाले सस्तो भएको प्रष्ट बुझिन्छ । तर मासु पहिलेको भन्दा कम हुनुमा वाणिज्य, आपूर्ति तथा उपभोक्ता संरक्षण विभागले अनुगमनलाई प्राथमिकता दिएको, विभागका महानिर्देशक प्रकाश पौडेलको भनाई छ । उनले नियम पालना गर्न केही समय लाग्ने भएकाले केही दिन महंगो भएपनि अब समयानुसार परिवर्तन हुनेमा ढुक्क रहन सर्वसाधारणलाई आग्रह गरे ।

यो पनि पढ्नुहोस्

निषेधाज्ञाका बीच बजार अनुगमन सुरु