काठमाडौं । प्रधानमन्त्री केपी ओलीले अन्ततः प्रतिनिधीसभा विघटनको फेरि पनि सिफारिस गरेका छन् । उनको योजना अनुसार नै प्रतिनिधीसभा विघटनको दिशामा गएको हो ।

मध्यरात वालुवाटारमा बसेको मन्त्रिपरिषद्को आकस्मिक बैठकले कात्तिक २६ र मंसिर ३ गते दुई चरणमा चुनाव गराउने गरी प्रतिनिधीसभा भंगको सिफारिस राष्टपतिकाहा गर्ने निर्णय गरेको शिक्षामन्त्री कृष्णगोपाल श्रेष्ठले जानकारी दिए ।

प्रतिनिधीसभाबाट संविधानको धारा ७६(३) अनुसार संसदमा प्रतिनिधत्व गर्ने सवैभन्दा ठूलो दलको नेताका हैसियतमा प्रधानमन्त्री नियुक्त भएका प्रधानमन्त्री ओलीले संसदमा विश्वासकोम त लिने आधार नदेखिएको भन्दै राष्टपतिलाई संविधानको धारा ७६(५) अनुसार सरकार गठनको वाटो खोल्न मन्त्रिपरिषद्को बैठक राखेर सिफारिस गरेपछि राष्टपतिले शुक्रवार साझ ५ बजेसम्मका लागि प्रधानमन्त्री बन्ने आधारसहित प्रस्तुत हुन प्रतिनिधीसभाका सदस्यहरुलाई २१ घण्टाको समय राखेर आह्रवान गरेकी थिइन् ।

राष्टपतिको आह्रावानका आधारमा ओली स्वंमले एमालेको २१ र जसपाको ३२ गरी १५३ सांसद आफुसँग साथमा रहेको भन्दै प्रधानमन्त्री दावी गर्न पुगेका थिए । विपक्षी गठवन्धनका तर्फबाट कांग्रेसका सभापति शेरवहादुर देउवाले पनि कांग्रेस, माओवादी, जसपाको उपेन्द्र पक्ष र एमालेकै माधव नेपाल पक्षलाई साथ लिएर १४९ जनाको हस्ताक्षर सहित प्रधानमन्त्रीमा दावी गर्न पुगेका थिए ।

तर दुवैको दावीमा प्रधनमन्त्री बनाउने आधार नदेखिएको ठहर राष्टपतिले मध्यरातमा गरिदिएपछि प्रधानमन्त्री ओलीले राती नै मनित्रपरिषद्को आकस्मिक बैठक बोलाएका थिए ।

प्रधानमन्त्री ओलीले मनित्रपरिषद्को आकस्मिक बैठक अगाडी प्रधानसेनापतिलाई पनि बालुवाटारमा बोलाएर छलफल गरेका थिए । त्यसपछि बसेको मनित्रपरिषदको बैठकले दुई चरणमा चुनाव गर्ने गरी प्रतिनिधीसभा घंगको सिफारिस राष्टपति समक्ष गर्ने निर्णय लिएको एक मन्त्रीले जानकारी दिए ।

प्रतिनिधीसभा भंगको निर्णयपछि अव कात्तिक २६ र मंसिर ३ मा चुनाव गराउने गरी मिति तय गरेर राष्टपति कार्यालयमा पत्र पठाउने निर्णय मनित्रपरिषद्को गरेको छ ।