काठमाडौं । राष्ट्रपति विद्यादेवी भण्डारीले प्रतिनिधिसभा भंग गरी मध्यावधि निर्वाचनको घोषणा गरेपछि विपक्षी गठबन्धनको संयुक्त बैठक बस्ने भएको छ । शनिबार विहान ११ बजे नयाँ बानेश्वरस्थित संसद भवनको ल्होत्से हलमा विपक्षी गठबन्धनको संयुक्त बैठक बस्न लागेको हो ।

बैठकमा नेपाली कांग्रेस, माओवादी केन्द्र, एमालेको माधव नेपाल पक्ष, जसपाको उपेन्द्र यादव पक्ष राष्ट्रिय जनमोर्चा सहभागिता रहने छ ।
शुक्रबार बेलुकी ५ बजेसम्म प्रधानमन्त्रीमा दावी केपी ओली र शेरवहादुर देउवा गरेका थिए तर राष्ट्रपतिले मध्यरातमा दुबैको दाबी नपुगेको भन्दै प्रतिनिधिसभा भंग गरेर मध्यावधि घोषण गरी कात्तिक २६ र मंसिर ३ गतेका लागि निर्वाचनको मिति तोकेकी छन् । राष्ट्रपतिको यो कदमलाई विपक्षी दलका नेताहरुले चर्को आलोचना गरिरहेका छन् ।