धनगढी । नेकपा एमाले सुदूरपश्चिम प्रदेश कमिटीले प्रदेश सरकारमा रहेका एमालेका ३ मन्त्रीलाई स्पष्टीकरण सोधेको छ ।

बिहीबार प्रदेश कमिटीका अध्यक्ष कर्णबहादुर थापा र सचिव राजेन्द्र सिंह रावलले प्रदेश सरकारमा रहेका आफ्नो मन्त्रीहरु प्रकाश बहादुर शाह, कृष्णराज सुवेदी र माया भट्टलाई स्पष्टीकरण सोधेका हुन् । एमालेको स्थायी कमिटीले सुदूरपश्मि सरकारलाई दिएको समर्थन फिर्ता लिने निर्ण गरेको थियो ।

तर, एमाले सुदुरपश्चिम संसदिय दलको बुधबार बसेको बैठकले प्रदेश सरकारलाई दिएको समर्थन तत्काल फिर्ता नलिने निर्णय गरेको थियो । पार्टीको निर्देशन अवज्ञ गरेर सरकारबाट फिर्ता नभएका मन्त्रिहरुलाई २४ घण्टे स्पष्टीकरण सोधेको हो ।