काठमाडौँ । सर्वोच्च अदालतले प्रतिनिधि सभाको विघटनविरुद्ध परेका रिट माथिको सुनाइमा पुरानै संवैधानिक इजलासलाई निरन्तरता दिएको छ । इजलासमा प्रधानन्यायाधीश चोलेन्द्रशम्सेर जबरा, न्यायाधीशहरु दीपककुमार कार्की, डा. आनन्दमोहन भट्टराई, तेजबहादुर केसी र बमकुमार श्रेष्ठ रहेका छन् ।

आज सर्वोच्च अदालतमा प्रतिनिधिसभाको विघटनविरुद्ध परेका रिटमाथि सुनाइ हुदैछ । यसअघि भएका दुई दिनको सुनुवाइको क्रममा इजलासमा रहेका न्यायाधीशहरु तेजबहादुर केसी र बमकुमार श्रेष्ठमाथि प्रश्न उठेपछि सोमबारको सुनुवाइ स्थगित गरिएको थियो । तर, मंगलबार पनि यही इजलासलाई निरन्तरता दिएको छ ।