काठमाडौं । जबरजस्ती करणी मुद्दामा सात वर्ष बढी जेल सजाय पाएका ८४ वर्षीय वृद्ध पक्राउ परेका छन् ।

प्रहरीले घोराही उपमहानगरपालिका वडा नम्बर ४ का ८४ वर्षीय रामु केसीलाई बिहीबार बिहान घरबाटै पक्राउ गरेको हो ।

जिल्ला प्रहरी कार्यालय दाङका अनुसार २०७६ मंसिर २६ गते जबरजस्ती करणी मुद्दामा दाङ देउखुरी जिल्ला अदालतले ७ वर्ष ५ महिना ८ दिन कैद र दुई लाख २५ हजार जरिवाना सजाय तोकेको थियो ।

अदालतको फैसला लगतै केसी फरार भएका थिए । पक्राउ परेका केसीलाई बिहीबार नै अदालतमा पेश गरिएको थियो । अदालतको आदेश कार्यान्वयनको लागि कारागार चलान गरिएको प्रहरीले जानकारी दिएको छ ।