काठमाडाैं । नेकपा (एमाले)काे माधवकुमार नेपाल निकट विद्यार्थी संगठनले उपप्रधान तथा शहरी विकास मन्त्री राजेन्द्र महताेकाे पुत्ला जलाएका छन् ।

मन्त्री महताेले नेपाललाई बहुराज्य बनाउने अभिव्यक्ति दिएपछि आक्राेशित युवा विद्यार्थीले आज अपराह्न काठमाडाैंकाे नयाँ बानेश्वरमा उनकाे पुत्ला जलाएका हुन् । महताेकाे पुत्ला जलाउन सडकमा निस्केका अनेरास्ववियूका अध्यक्ष सुदेश पराजुली, महासचिव आरती लामा र नेता अशाेक थापालगायतलाई प्रहरीले गिरफ्तार गरेकाे छ ।

उनीहरूलाई महेन्द्र पुलिस क्लबमा राखिएकाे छ ।