काठमाडौं । स्टक एक्सचेञ्जमा आबद्ध कम्पनीको शेयर कारोबार मापक नेप्से परिसुचकमा साताको पहिलो दिन आज आइतबार दोहोरो अंकले सुधार आएको छ । आइतबार बजार परिसुचक ५० दशमलब २७ अंकले बढेर २ हजार ९ सय ६ दशमलब ८९ बिन्दुमा पुगेको स्टक एक्सचेञ्जले जनाएको छ ।

आइतबार महिला लघुवित्त र लुम्बिनी विकास बैंक लगायत कम्पनीको सेयर मूल्यमा ठूलो सुधार देखिएको छ । त्यस्तै लगानी, वित्तिय लगायत ७ क्षेत्रको समूहगत उपसुचकमा वृद्धि भएको छ भने जलविद्युत, व्यापार लगायत ६ क्षेत्रको उपसुचकमा हस आएको छ ।

कूल २ सय १८ कम्पनीको १ लाख ७१ हजार ६० कारोबारबाट १७ अर्ब २७ करोड १७ लाख ८७ हजार ५ सय २५ रुपैयाँ बराबरको ३ करोड ७४ लाख ५५ हजार १ सय ८९ कित्ता शेयर खरिद बिक्रि भएको स्टक एक्सचेञ्जले जनाएको छ ।

स्टक एक्सचेञ्जका अनुसार आइतबार सबैभन्दा धेरै नेपाल पूनर्बीमा कम्पनीको १ अर्ब २१ करोड १४ लाख र नेपाल इन्फ्रास्ट्रक्चर बैंकको ८३ करोड ९० लाख रुपैयाँ बराबरको सेयर कारोबार भएको छ ।