काठमाडौँ । निषेधाज्ञाको पालना गराउन खटिएका प्रहरी र रौतहटको गरुडाका स्थानीयबीच झडप भएको छ । झडपमा इलाका प्रहरी कार्यालय गरुडाका डिएसपी द्वारिका घिमिरेसहित ६ जना प्रहरी घाइते भएका छन् ।

गरुडा नगरपालिका ९ को गेडहिगुठी टोलमा निषेधाज्ञाको बेलामा जन्ती जान लागेको टोलीलाई प्रहरीले रोक्न खोजेसँगै झडप भएको हो । प्रहरी टोलीले सम्झाई बुझाई गर्न खोज्दा घेरा हालेर आक्रमण गरिएको जिल्ला प्रहरी कार्यालयले जनाएको छ ।

प्रहरी टोलीमाथि आक्रमण गर्नेहरूलाई प्रहरीले पक्राउ गरेको छ ।