काठमाडौं । प्रधानमन्त्री केपी ओलीले ६ बुँदे प्रतिवद्धता सहितको एमाले एकताका लागि आह्वान गरेपछि माधव नेपाल आफ्नो समुहका स्थायी समिति सदस्यहरुसँग छलफल गरेर अहिले कांग्रेस सभापति शेरबहादुर देउवाको बुढानीलकन्ठस्थित निवासमा पुगेका छन् ।

ओलीले एकताका लागि कांग्रेस सभापति देउवालाई प्रधानमन्त्री बनाउनु पर्ने मागसहित सर्वाेच्च अदालतमा पुगेर गरेको हस्ताक्षर फिर्ता गर्नुपर्ने शर्त राखेका थिए ।

त्यसपछि अब नेपाल पक्षले के गर्लान् भन्ने चासोका बीचमा नेपाल आफू निकट स्थायी समितिको बैठक सकेर देउवा निवास पुगेका हुन् ।

ओलीको ६ बुँदेको जवाफ नेपाल समुहले लिखित रुपमा नै दिने निर्णय बैठकपछि गरेको छ । बैठकअगाडि नेपाललाई माओवादी केन्द्रका अध्यक्ष प्रचण्डले नेपाल निवास कोटेश्वरमै पुगेर भेट गरेका थिए ।

अहिले बैठक सकेर नेपाल पनि देउवा निवास पुगेका हुन् । प्रचण्ड भने देउवा निवासबाट निस्केर कोटेश्वरस्थित पार्टी कार्यालयमा छन् ।

नेपाल पक्षमा ओलीको वक्तब्य पछि तरंग छ । ओलीको वक्तब्यलाई नेपाल पक्षका नेता योगेश भट्टराईले सकारात्मक भनी स्वागत गरिसकेका छन् । नेपाल पक्षका नेताहरु योगेश, घनश्याम भुषाल, सुरेन्द्र पाण्डे र गोकर्ण विष्टको विहान सुरेन्द्र पाण्डेको निवासमा छलफल समेत भएको थियो ।