काठमाडौँ । नेकपा एमालेका नेता घनश्याम भुसालले आफूविरूद्ध अनर्गत प्रचार भएकाे बताएका छन् । यस्ता प्रचारले पार्टीलाई ध्वस्त बनाउने संकेत गर्दै उनले भने, ‘हामीले एकताकाे कुरा गर्दा त्यसलाई आत्मसमर्पणका रूपमा व्याख्या गर्ने विवादका कुरा गर्दा विभाजनका रूपमा व्याख्या गर्ने भन्दै आपत्तिसमेत जनाएका छन् ।

‘फेरि हाम्राविरुद्ध अनर्गल प्रचार शुरू भएको छ । हामीले एकताको कुरा गर्दा त्यसलाई आत्मसमर्पणको रूपमा व्याख्या गर्ने र विवादको कुरा गर्दा विभाजनको रूपमा व्याख्या गर्ने एउटा समूह नै तयार भएको छ,’ भुसालले भने । भुसालले नेकपा एमालेको राजनीतिलाई विकृत बनाउन पञ्चायत व्यवस्थाका ‘सुकुलगुण्डा’ जस्तै समूह खडा भएको त होइन भन्दै प्रश्न गरे ।

अध्यक्ष केपी शर्मा ओलीले पार्टीलाई २०७५ जेठ ३ अघिको अवस्थामा फर्काउने भन्दै एकताको आह्वान गरेपछि नेपाल समूहमा दुई धार देखिएको छ ।