काठमाडौं । पछिल्लो २४ घण्टामा ४ हजार ४७२ जनालाई कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार तथ्याकं अनुसार १२ हजार २ जनाको पीसीआर परीक्षण गर्दा ३ हजार ३७० जनामा कोरोना र ५ हजार ९०१ एन्टिजेन परीक्षण गर्दा १ हजार १०२ जना गरी कुल ४ हजार ४७२ जनामा कोरोना पुष्टि भएको छ ।
सोही अवधिमा ६ हजार ९५१ संक्रमणमुक्त भएका छन् भने ९२ जना संक्रमितको मृत्यु भएको छ ।
बिभिन्न अस्पताल तथा आईसोलेसनमा ८५ हजार ५४४ जना संक्रमित आइसोलेसनमा छन् । नेपालमा हालसम्म ६ लाख ६ हजार १५५ जनालाई संक्रमण पुष्टि भएको छ भने ४ लाख ९७ हजार ९६० जना निको भएका छन् । ७ हजार ९९० संक्रमितको मृत्यु भएको छ ।