कैलाली । सुदूरपश्चिम प्रदेशका मुख्यमन्त्री त्रिलोचन भट्टको सम्बोधनपछि मतदान प्रक्रिया सुरू भएको छ । यसअघि प्रदेश सभामा मुख्यमन्त्री भट्टले विश्वासको मत मागेका थिए ।

सुदूरपश्चिम प्रदेश सभामा सम्बोदन गर्दै उनले आफूलाई विश्वासको मत दिन सांसदसँग आग्रह गरेका छन् । सुदूरपश्चिम प्रदेश सभाको बैठकमा बोल्दै मुख्यमन्त्री भट्टले सबैसँग हातेमालो गरेर अघि बढ्न तयार रहेको बताए ।

उनले सुदूरपश्चिममा ठूला-ठूला काम गर्नुपर्ने भएकाले यसका लागि संघीय सरकारसँग साझा संकल्पसहित सदनलाई एकतावद्ध गरेर अघि लिएर जान प्रतिवद्ध रहेका बताए । उनले आफूले कुनै दल विशेषलाई नभएर सबैसँग मत मागेको बताए ।

उनले भने, ‘सबैले मलाई विश्वासको मत दिनुस्, म सबै माननीयहरूको सुझावका आधारमा साझा एजेन्डा बनाएर काम गर्नेछु ।’