काठमाडौं । नेपालमा कोरोना निको हुनेको संख्या ५ लाख नाघेको छ । पछिल्लो २४ घण्टामा ६ हजार ५७० जना संक्रमणमुक्त भएसँगै ५ लाख ४ हजार ५३० पुगेको स्वास्थ्य तथा जनसंख्या मन्त्रालयले जनाएको छ । मन्त्रालयका अनुसार नेपालमा हालसम्म ६ लाख ११ हजार ३०८ जनालाई संक्रमण पुष्टि भएको छ । पछिल्लो २४ घण्टामा ५ हजार १५३ जनालाई कोरोना भाइरस संक्रमण पुष्टि भएको छ । सोही अवधिमा १०८ जना संक्रमितको मृत्यु भएको छ । हाल विभिन्न अस्पताल तथा आईसोलेसनमा ८२ हजार ७३६ जना संक्रमित आइसोलेसनमा छन् । नेपालमा ८ हजार ९८ संक्रमितको मृत्यु भएको छ ।