काठमाडौं । फिफा विश्वकप छनोटको दक्षिण अमेरिकी छनोटअन्तर्गत अर्जेन्टिनाले बराबरी खेलेको छ । (आज बिहान) बुधबार भएको खेलमा अर्जेन्टिनाले कोलम्बियाको घरेलु मैदानमा कोलम्बियासँग २–२ गोलको बराबरी खेलेको हो ।

खेलको तेस्रो मिनेटमा अर्जेन्टिनालाई क्रिस्टियन रोमेरोले गोल गर्दै अग्रता दिलाएका थिए । भने पुन आठौँ मिनेटमा लिन्ड्रो डानिल पारेडेसले गोल गर्दै अर्जेन्टिनाको अग्रता दोब्बर पारे । तर खेलको दोस्रो हाफमा अर्जेन्टिनाले गोल गर्न सकेन ।

दोस्रोे हाफको ५१औँ मिनेटमा कोलम्बियाका लुइस मुरीएलले पेनाल्टीमा गोल गर्दै २–१ को स्थितिमा ल्याए । खेलको इन्जुरी समयमा मिगुएल बोर्जाले गोल गर्दै कोलम्बियालाई हारबाट जोगाए ।

बराबरीसँगै अर्जेन्टिनाले ६ खेलबाट १२ अंक जोडेको छ । अर्जेन्टिना तालिकाको दोस्रो स्थानमा छ ।