काठमडौं । रौतहटबाट श्रोत नखुलेको ३० लाख ७६ हजार रुपैयाँसहित दुई भारतीय नागरिक पक्राउ परेका छन् ।

प्रहरीले बुधबार बिहान परोहा नगरपालिका वडा नम्बर ९ रामपुरखापबाट भारतको मोतिहारी घोडासहन बस्ने २२ वर्गीय बान्टीकुमार कलवार र २० वर्षीय सुरज कलवारलाई पक्राउ गरेको हो ।

भारतबाट बिआर ०५ आर ४५२१ नम्बरको मोटरसाइकलमा नेपाल आउँदै गरेका उनीहरूमाथि प्रहरीले चेक गरेको थियो। सो चेक गर्दा प्रहरीले उनीहरूको झोलाबाट ३० लाख ७६ हजार रुपैया बरामद गरेको जिल्ला प्रहरी कार्यालय रौतहटले जनाएको छ ।

उक्त रकमको स्रोत नखुलेपछि प्रहरीले उनीहरूलाई नियन्त्रणमा लिएको थियो। प्रहरीले उनीहरुमाथि थप अनुसन्धान गरिरहेको छ।