काठमाडौँ । स्टक एक्सचेञ्जमा आबद्ध कम्पनीको शेयर कारोबार मापक नेप्से परिसुचक कारोबार हुने साताको अन्तिम दिन सामान्य अंकले ओरालो लागेको छ ।

हिजो बुधबार नेप्से १३ दशमबल ५६ अंकले घटेको नेप्से बिहिबार १ दशमलब ८ अंकले घटेर २ हजार ९ सय ४४ दशमलब ७८ को बिन्दुमा पुगेको छ ।

बिहिबार १२ कम्पनीको सेयर मूल्यमा सकारात्मक र हाइड्रोमा लगानीकर्ताको आकर्षण देखिएको स्टक एक्सचेञ्जले जनाएको छ ।
कूल २ सय २० कम्पनीको १६ अर्ब १० करोड ४ लाख १२ हजार ४ सय ३६ रुपैयाँ बराबरको ३ करोड ६ लाख ६ हजार ६ सय ४४ कित्ता शेयर किनबेच भएका छन् ।

आज पाँचथर पावर कम्पनी, शिव श्री हाईड्रोपावर लिमिटेड लगायत १२ कम्पनीको सेयर मूल्यमा वृद्धि भएको छ ।

त्यस्तै, हाईड्रोपावर, विकास बैंक लगायत ६ समूहको समूहगत सुचक बढेको छ भने जीवन बीमा, बैंक लगायत ७ समूहको समूहगत उपसुचक घटेको स्टक एक्सचेञ्जले जनाएको छ ।