पोखरा । गण्डकी प्रदेशको मुख्यमन्त्रीमा कृष्णचन्द्र नेपाली पोखरेल नियुक्त भएका छन् । प्रदेश प्रमुख सीताकुमारी पौडेलले संविधानको धारा १६८ (५) अनुसार पोखरेललाई मुख्यमन्त्री नियुक्त गरेका हुन् ।

पोखरेल नेपाली कांग्रेसका प्रदेश सभा सदस्य हुन् । उनलाई विपक्षी गठबन्धनको समर्थन रहेको थियो । पोखरेललाई नेपाली कांग्रेस, नेकपा माओवादी केन्द्र, राष्टिय जनता पार्टी जसपा र राष्ट्रिय जनमोर्चाको समर्थन रहेको थियो । प्रदेश सभामा ६० सदस्य रहेका छन् । मुख्यमन्त्री हुनका लागि ३१ सदस्यको आवश्यकता पार्छ ।

बिहिबार निवर्तमान मुख्यमन्त्री पृथ्वीसुब्बा गुरुङले प्रदेश सभामा विश्वासको मत लिएका थिए । तर, उनले विश्वासको मत नपाएपछि शुक्रबार प्रदेश प्रमुख सीताकुमारी पौडेलले नयाँ सरकार गठन गर्नका लागि नेपालको संविधानको धारा १६८ को ५ बमोजिम २४ घण्टाको लागि आह्वान गरेकी थिइन् । त्यपछि विपक्षी गठबन्धनको तर्फबाट नेपाली कांग्रेसका प्रदेश सभा सदस्य पोखरेलले बहुमत सहित मुख्यमन्त्रीमा प्रदेश प्रमुख सामु दावी पेश गरेका थिए ।

यो पनि पढ्नुहोस्

कांग्रेसका तर्फबाट गण्डकी प्रदेशकाे नेतृत्व गर्न लागेका कृष्णचन्द्र काे हुन् ?