काठमाडाैं । बूढानीलकण्ठ नगरपालिकमा नेकपा (एमाले) काे ओली पक्षीय मेयरले ज्येष्ठ नागरिककाे सट्टा आफ्ना कार्यकर्तालाई खाेप लगाएकाे माओवादीले आराेप लगाएकाे छ ।

मेयर उद्धव खरेलले तोकिएको मापदण्डको खिल्ली उडाउँदै तोकिएका खोप केन्द्रमा घण्टौं घाममा बुढाबुढीलाई उभ्याएर खोपै नलगाई घर फर्काउने र त्यही समयमा नगरपालिका कार्यलयमा आफ्ना कार्यकर्ता र तिनका आफन्तलाई बोलाएर कम उमेर समूहका मानिसलाई समेत खोप लगाउने कार्य गरेको सप्रमाण फेला पारेकाे माओवादीले जनाएकाे छ ।

बूढानीलकण्ठमा तोकिएका तीनवटा खोप केन्द्र बालउद्धार मावि, कपन, नेशनल आइडियल मावि, मण्डीखटार र गणेश मावि बूढानीलकण्ठमा खोप लगाउनुपर्नेमा ती केन्द्रहरुमा पठाइएका खोपहरु फिर्ता लगेर कार्यालयमा कार्यकर्तालाई लगाइएको पाइएको माओवादीकाे भनाइ छ ।

त्यसैगरी २८ गते शुक्रबार बालउद्धार माविमा पठाइएको ५ सयवटा खोपमध्य ३ बजेसम्म केन्द्रमा १३४ वटा मात्रै खोप लगाइएको र बाँकी नगरपालिकामा फिर्ता लगिएको छ ।

बचत रहेको खोप मेयर स्वयम् बसेर आफ्ना कार्यकर्ता र आफन्तलाई लुकाइछिपाई लगाएको जानकारी बाहिरिएपछि नगरपालिका कार्यालय पुगेका जनताले एमालेका २५ देखि ४४ वर्ष उमेरका मानिसहरुले लाइन लागेर धमाधम खोप लगाइरहेको, नाम र उमेर लेखिएका खोप कार्ड, प्रयोग गरिएका भ्याक्सीनका हज्जारौं खालि बट्टालगायत भेटिएकाे थियाे ।

खाेपका विषयमा मेयर र स्वास्थ्य प्रमुखसँग सोधपुछ गर्दा जवाफ दिनुको सट्टा सशस्त्र प्रहरी बल बोलाएर प्रश्नकर्तामाथि दमन गरिएको माओवादीले जनाएकाे छ । उक्त घटना निन्दीय, पासविक, मानवताविरोधी, समाजविरोधी र भत्सर्नायाेग्य रहेकाे माओवालीकाे निष्कर्ष छ ।

माओवादीले जनताको अमूल्य मतबाट प्राप्त अधिकार दुरुपयोग गरी जनताको जीवनसँग खेलवाड गर्ने मेयर, वडाध्यक्षहरु र स्वास्थ्य प्रमुखलाई कानुनी कारबाहीको दायरामा ल्याई सशक्त कारबाही गर्न मागसमेत गरेकाे छ । खाेपकाे कार्यक्रममा अधिकारप्राप्त जनप्रतिनिधिबाटै भएको व्यापक अनियमितता र बदमासीप्रति माओवादीले गम्भीर ध्यानाकृष्ट भएकाे जनाएकाे छ ।