काठमाडौँ । प्रदेश नम्बर २ का प्रदेश प्रमुख राजेश झा अहिराजले मुख्यमन्त्री लालबाबु राउतलाई मन्त्रिपरिषद समावेशी बनाउन पत्र लेखेका छन् । प्रदेश प्रमुख झाले प्रदेश २ को सरकार बनाउँदा गैरमधेसी ९पहाडे समुदाय० लाई समावेश नगरिएको, महिलालाई पनि प्राथमिकता नदिइएको र मधेसी दलितलाई पनि सहभागी नगराइएको भन्दै मुख्यमन्त्रीलाई आइतबार पत्र पठाएका हुन् ।

प्रदेश प्रमुखले मुख्यमन्त्रीलाई पठाएको पत्रमा संविधानको मर्म र भावनाअनुसार मन्त्रिपरिषदमा महिला, दलित, आदिवासी जनजाति, मधेसी, थारु, अल्पसंख्यक, अपाङ्गता भएका व्यक्ति, सीमान्तीकृत मुस्लिम, पिछडा वर्ग, यौनिक अल्पसंख्यक, युवा, किसान, श्रमिक आदिको समावेशिता अनिवार्य गरिनुपर्ने उल्लेख गरिएको छ ।

पत्रमा भनिएको छ, ‘प्रदेश २ मा मूलतः मधेसी समुदायका नागरिकको वसोबास रहेको भएता पनि गैर मधेसी पहाडी मूलका नागरिकहरुको पनि उल्लेख्य बसोबास रहेकोछ । प्रदेशको मन्त्रिपरिषदमा उल्लेखित जाति समुदाय र वर्गको अनुहार प्रतिविम्वित हुनुपर्छ भन्ने कुरामा द्विविधा हुन सक्दैन ।’ केहीदिन अगाडि मुख्यमन्त्री राउतले नेपाली कांग्रेस र माओवादी केन्द्रलाई समेटेर मन्त्रिपरिषद्को विस्तार गरेका थिए ।

यसअघि प्रदेश नम्बर २ मा राष्ट्रि जनता पार्टी जसपाको एकल सरकार थियो । जसपा दुइृ धारमा विभाजन भएपछि राउतले महन्थ ठाकुर पक्षका मन्त्रीलाई हटाएर कांग्रेस र माओवादीलाई सरकारमा समावेश गरेका थिए ।