काठमाडौं । नेपाल स्टक एक्सचेन्जले व्यापार व्यवस्थापन प्रणालीमा रहेको एओएन फिचर आज आइतबारबाट हटेको छ । एओएन अर्थात कि सबै देउ÷लेउ या एउटै नदेउ÷नलेउ फिचर बन्द भएको स्टक एक्सचेञ्जका प्रवक्ता मुराहरी पराजुलीले जानकारी दिएका छन् ।

नेपाल स्टक एक्सचेन्जले राखेको एओएन के हो भन्ने आम लगानीकर्तामा चासो देखिएको छ । नेपाल स्टक एक्सचेन्सले धितोपत्र बोर्डको निर्देशनपछि बन्द गरिएको जनाएको छ । एओएन प्रयोग हँुदा लगानीकर्तालाई सबै बिक्री हुने र नहुने प्रष्ट हुनुका साथै विकल्प पनि हुने पराजुलीले जानकारी दिए ।

उनले भने,“ जसमा लगानीकर्ताले आफूसँग भएको सेयर टुक्राएर खरिद बिक्री गर्न पाउँदैन एकैसाथ सेयर खरिद बिक्री गर्न सक्छन् । तर, यो सुविधाको गलत प्रयोग गरी ठूलो मात्रामा शेयरलाई एओएनमा राखी अन्य लगानीकर्तालाई भ्रममा पारेको गुनासो लगानीकर्ताको रहेको छ ।” यस्ता लगानीकर्ताले ठूलो मात्रामा खरिदका लागि राख्ने र चाप देखाउने गरेको नेप्सेको दाबी छ ।

प्रवत्ता पराजुलीका अनुसार पछिल्ला दिनका एओएनमा कृत्रिम कारोबार भएको गुनासो बढ्न थालेपछि नेप्सेले एओएन नै बन्द गरेको हो । एओएन हटाउँदा कसैलाई पनि हानी नोक्सानी हुँदैन । यो बिक्री अर्थात खरिद दुबैतर्फ लागु हुने भएकाले हानी हुँदैन ।