जनकपुर । प्रदेश २ को प्रदेशसभामा प्रस्तुत भएको नीति तथा कार्यक्रमको पक्षमा मतदान गर्न जनता समाजवादी पार्टी जसपाको संसदीय दलले ह्वीप जारी गरेको छ ।

आज बसेको जसपा संसदीय दलको बैठकले नीति तथा कार्यक्रमको पक्षमा मतदान गर्न ह्वीप जारी गरेको हो । आज बस्न प्रदेशसभा बैठकमा नीति तथा कार्यक्रम प्रदेशसभामा निर्णयार्थ प्रस्तुत गरिने जनाइएको छ । जसपा भित्रको अन्तरकलहले नीति तथा कार्यक्रम पारित हुन कठिनाई देखिएपछि मुख्यमन्त्री लालबाबु राउतले ह्वीप जारी गरेका हुन् ।

यस्तै जसपा महन्थ ठाकुर पक्षले पनि नीति तथा कार्यक्रको पक्षमा मतदान गर्ने जनाइएको छ । नेपाली कांग्रेस र नेकपा माओवादी पनि सरकारमा रहेकाले उनीहरुले पनि नीति तथा कार्यक्रको पक्षमा नै मतदान गर्ने सम्भावना रहेको छ ।