काठमाडौँ । गत वैशाख १६ गतेदेखि सुरु भएको काठमाडाैँ उपत्यकाको निषेधाज्ञा आगामी असार ७ गतेसम्म लम्बाउने निर्यण भएको छ । जारी निषेधाज्ञालाई थप एक हप्ता लम्बाउने निर्णय भएको ललितपुरका प्रमुख जिल्ला अधिकारी ढुण्डी प्रसाद निरौलाले जानकारी दिए ।

‘थप असार ७ गतेसम्म निषेधाज्ञा थपिएको हो,’ निरौलाले भने, ‘यो अवधिमा खाद्यान्न तथा तरकारी पसल ११ बजेसम्म खुल्न पाइने छ, अनलाइन डेलिभरी खोलिने भएको छ, पुस्तक पसल बिहान ११ बजेसम्म खुल्ने छन् ।’

हार्डवेयर पसल अपरान्ह ४ बजेपछि खोल्न पाइने छन् भने कृषि कार्य सञ्चालन गर्न दिने व्यवस्था गरिएको निरौलाले जानकारी दिए । यस्तै, भिसा लिनका लागि सहजीकरण गर्ने निर्णय भएको उनले बताए । उनले निषेधाज्ञालाई खुकुलो गरिएको बताए ।

यो पनि पढ्नुहोस्

काठमाडौँ उपत्यकामा एक हप्ता निषेधाज्ञा थपियो

पुस्तक पसल बिहान ११ बजेसम्म खुल्ने