काठमाडौं । पछिल्लो २४ घण्टामा २ हजार ४०७ जनालाई कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका प्रवक्ता डा.कृष्ण पौडेलका अनुसार पछिल्लो २४ घण्टामा ७ हजार ५३७ जनाको पीसीआर परीक्षण गर्दा एक हजार ९४ जनामा कोरोना र एन्टिजेन ४ हजार ८८९ जनामा गर्दा ७१३ जनामा कोरोना पुष्टि भएको छ । पछिल्लो समय पीसीआर परीक्षण गर्नेको दरमा कमी आएको मन्त्रालयले जनाएको छ ।
बढी कोरोना संक्रमण हुनेको संख्या २० देखि ६० वर्ष उमेरका रहेका उनले जानकारी दिए । पछिल्लो २४ घण्टामा ३ हजार ९ सय ९४ जना कोरोना मुक्त भएका छन् । सोही अवधिमा कोरोनाका कारण ४६ जनाको मृत्यु भएको स्वास्थ्य तथा जनसंख्या मन्त्रालयले जनाएको छ ।