काठमाडौँ । जनता समाजवादी पार्टी (जसपा)का संघीय परिषद् अध्यक्ष बाबुराम भट्टराईले देशमा परिवर्तनका लागि अर्को पुस्ता लड्ने पर्ने संकेत गरेका छन् । आधुनिक नेपाल राज्यको निर्माणपछि सबैभन्दा ठूलो परिघटना जनयुद्ध, जनआन्दोलन, मधेश विद्रोहको बलमा संविधान सभाबाट संघीय लोकतान्त्रिक गणतन्त्र संस्थागत भए पनि प्रतिक्रान्तिकारीका कारण नयाँ पुस्ता लड्ने पर्ने संकेत गरेका हुन् ।

उनले आफ्नो सामाजिक सञ्जाल ट्विटरमा प्रतिक्रान्तिकारी सत्तामा र क्रान्तिकारी सडकमा हुनु नै विडम्बना भएकोसमेत बताएका छन् । उनले भने, ‘आधुनिक नेपाल राज्यको निर्माणपछि सबभन्दा ठूलो परिघटना जनयुद्ध, जनआन्दोलन र मधेश विद्रोहको बलमा संविधान सभाबाट संघीय लोकतान्त्रिक गणतन्त्र संस्थागत हुनु नै हो ।’

डा. भट्टराईले थपे, ‘तर विडम्बनाः प्रतिक्रान्तिकारी सत्तामा, क्रान्तिकारी सडकमा, दलाल हिरो, देशभक्त भिलियन सावधान : अर्को पुस्ता लड्न नपरोस् !’